نهێنیەگان ٨٠ خولەک دانیشتنەگەی بارزانی وئۆردوگان وفیدان و ووڕدەکاریەیل پەیامەگەی کازمی
2020-09-10T07:00:41+00:00
شەفەق نیوز/ ماڵپەڕ ''مونیتۆر'' ئەمریکی، ووردەکاریەیل کۆبونەوەگە ئاشکراکرد لەناوبەین نێچیرڤان بارزانی سەرک هەرێم کوردستان و رەجەب تەیب ئۆردوگان سەرۆک تورکیا، لە چوار ئەیلول لە ئەنقەڕە، ک سەرچەوەیلیگ دووپاتکردن ئەو لووتگە وەهانداین سەردانەگەی ئیمانوێل ماکڕۆن سەرۆک فەڕەنسا ئەرا بەغداد ئەنجام دریا.
ماکڕۆن لە هەفتەی گوزەیشتە سەردان بەغداد کرد، ک ئارازو داشت لە بەغداد چەوی بکەفێدە بارزانی، وهەمیش چەویکەفتە گەورای وەرپرسەیل عراق، دویای ئەوە بارزانی روی کردە ئەنقەڕە، ک لەورا چەویکەفتە ئۆردوگان و وەزیر دەورەوەگەی مەولود جاویش ئۆغڵۆ.
وەگورەی مونیتۆر، تەنیا کەسیگ لەناو کۆبونەوە ٨٠ خوەلەکیەگەی بارزانی وئۆردوگان لە ئەنقەڕە خوەی حاقان فیدان سەرۆک هەواڵگیری تورکیا بوی، سەرچەوەگە وتیش ک بارزانی وەزوان ئینگلیزی قسەکرد، وفیدان وەرگێڕان ئەرا ئۆردوگان کرد.
سەرچەوەیل راپۆرتەگەی مونیتۆر ک ئاژانس شەفەق نیوز وەرگێڕانی کردگە، وتن: لەوەختیگ ک ماکڕۆن قورسی پشتگیریی دەێدە یۆنان و قوبڕس، وجەخت کەێد تا یەکێتی ئۆڕوپا سزا لەبان ئەنقەڕە بچەسپنێد، لەوەر بەرزەوبوین ململانەگان لەباوەت مینەکردن نەفت و گاز لە خوەرهەڵات دەریای ناوڕاسین، سەرۆک تورکیا رک داشت تا بزانێد ماکڕۆن باس چە کرد لە بەغداد وەگەرد وەرپرسە عراقیەگان و وەگەرد بارزانی ک ماکڕۆن دی.
سەرچەوەگان ئەو زانیاریەیلە رەت کردن ک گوایە بارزانی رێکخستن ناوبەین فەڕەنسا و تورکیا کەێد، یا دویای گفتوگۆەیلی وەگەرد ئۆردوگان نیاز سەردان پاریس دیرێد.
بەڵکم وتیش؛ بارزانی پەیامیگ ئاشتەوایی لە موستەفا کازمی سەرۆک وەزیرەیل عراق ئەرا ئۆردوگان برد، وسەرچەوەیگ وت؛ تووزەگە کپەوبوی، وبی روونکردنیگ تر لەباوەت پەیامەگە.
و سەرچەوەگان ئەرا مونیتۆر وتن؛ یا خەلوسی ئاکار یا مەولود ئۆغڵۆ وەزیر دەوروەی تورکیا شایەت وەی نزیکە سەردان بەغداد بکەێد، و شایەت کازمی یەکەم سەردانی ئەرا ئەنقەڕە بکەێد.
ماکڕۆن لە هەفتەی گوزەیشتە سەردان بەغداد کرد، ک ئارازو داشت لە بەغداد چەوی بکەفێدە بارزانی، وهەمیش چەویکەفتە گەورای وەرپرسەیل عراق، دویای ئەوە بارزانی روی کردە ئەنقەڕە، ک لەورا چەویکەفتە ئۆردوگان و وەزیر دەورەوەگەی مەولود جاویش ئۆغڵۆ.
وەگورەی مونیتۆر، تەنیا کەسیگ لەناو کۆبونەوە ٨٠ خوەلەکیەگەی بارزانی وئۆردوگان لە ئەنقەڕە خوەی حاقان فیدان سەرۆک هەواڵگیری تورکیا بوی، سەرچەوەگە وتیش ک بارزانی وەزوان ئینگلیزی قسەکرد، وفیدان وەرگێڕان ئەرا ئۆردوگان کرد.
سەرچەوەیل راپۆرتەگەی مونیتۆر ک ئاژانس شەفەق نیوز وەرگێڕانی کردگە، وتن: لەوەختیگ ک ماکڕۆن قورسی پشتگیریی دەێدە یۆنان و قوبڕس، وجەخت کەێد تا یەکێتی ئۆڕوپا سزا لەبان ئەنقەڕە بچەسپنێد، لەوەر بەرزەوبوین ململانەگان لەباوەت مینەکردن نەفت و گاز لە خوەرهەڵات دەریای ناوڕاسین، سەرۆک تورکیا رک داشت تا بزانێد ماکڕۆن باس چە کرد لە بەغداد وەگەرد وەرپرسە عراقیەگان و وەگەرد بارزانی ک ماکڕۆن دی.
سەرچەوەگان ئەو زانیاریەیلە رەت کردن ک گوایە بارزانی رێکخستن ناوبەین فەڕەنسا و تورکیا کەێد، یا دویای گفتوگۆەیلی وەگەرد ئۆردوگان نیاز سەردان پاریس دیرێد.
بەڵکم وتیش؛ بارزانی پەیامیگ ئاشتەوایی لە موستەفا کازمی سەرۆک وەزیرەیل عراق ئەرا ئۆردوگان برد، وسەرچەوەیگ وت؛ تووزەگە کپەوبوی، وبی روونکردنیگ تر لەباوەت پەیامەگە.
و سەرچەوەگان ئەرا مونیتۆر وتن؛ یا خەلوسی ئاکار یا مەولود ئۆغڵۆ وەزیر دەوروەی تورکیا شایەت وەی نزیکە سەردان بەغداد بکەێد، و شایەت کازمی یەکەم سەردانی ئەرا ئەنقەڕە بکەێد.
