نشانەیل خوەشهاڵی جەهانی: فینلاند لە پلەی یەکەم جەهانە و یەیش پلەی عراقە

راپۆرتەگە لەژیر چەودیاری نەتەوە یەکگرتگەیل بڵاو کریاس، ئمساڵ 143 وڵات لەخوەی گرێد، کە وەگورەی چەن مدوویگ رزبەن کریانە، لەوانە بەرهەم ناوخوەیی گشتی ئەرە هەر تاکە کەسیگ، تەمەن تەندروس، بیجگە لە نووڕین دانیشتگەیل وڵاتەیل.

توێژەرەیل پشت وە ڕاپرسییەیل بەسن کە لەناوی داوا لە بەشداربویەیل کەن وەڵام هویردە هویردە بیەن لە 1 تا 10، لە ئاست ئەو پاڵپشتی کۆمەڵایەتییە کە هەس وەپی کەن لە ئەگەر دروسبوین گیچەڵیگ، و ئازادییان لە بڕیاردان خوازیاگ وە ژیان تایبەت خوەیان، هەسیان لە ئاست گەندەڵی لە کۆمەڵگا، بیجگە لە ئاست بەخشندەیی ئەوان.

 راپۆرتەگەی ئمساڵ ئەرا یەکەمجار رزبەن جیاوازی وەگورەی گروپە تەمەنییەیل لەناوی بوی، ئەرا نموونە لیتوانیا خوەشهاڵترین وڵات جەهان بوی ئەرا گروپ تەمەن خوار ٣٠ ساڵ، لە وەختیگ دانیمارک لە پیشەنگی لیستەگە هات ئەرا ئەوانەگ کە تەمەنیان لە بان ٦٠ ساڵە.

وەگشتی فینلاند پلەی یەکەم وەدەس هاورد، دویای ئەویش دانیمارک، ئایسلەندا، سوید، ئیسرائیل، هۆڵەندا، نەرویج، لۆکسمبۆرگ و سویسرا تیەێد.

لە وەختیگ ئەفغانستان لە پلەی خوار لیستەگە هات و لە وەرجە ئەو لوبنان و لێسۆتۆ و سیرالیۆن هاتن.

 لەبان ئاست عەرەبی، کوێت لە پلەی ١٣ی جەهانی، ئیمارات وە پلەی ٢٢، ئیجا سعودیە لە پلەی ٢٨، بەحرەین لە پلەی ٦٢، لیبیا لە پلەی ٦٦، ئیجا جەزائیر لە پلەی ٨٥، عراق لە پلەی ٩٢ و فەڵەستین لە پلەی ١٠٣.

دویای ئەوە مەغریب لە رزبەن 107، مۆریتانیا 111، تونس 115، ئوردن 125، میسر 127، کۆمۆرۆس 132، یەمەن 133، ئیجا لوبنان 142، وەگورەی ئەو رزبەندیە لە لیست وەرین.

راپۆرت دڵخوەشی جەهانی ئەرا یەکەمجار لە ساڵ ٢٠١٢ دەسوەپی کرد و ڕاپرسییگ ساڵانەس کە لەلایەن تووڕ چارەسەر گەشەپیدان وەردەوامی نەتەوە یەکگرتگەیل ئەنجام دریەێد.