ناڕەزایەتیەیل ئیران.. ئاسایش ٤ هاندەر سەرەکی گرێد
ئاژانس "تەسنيم" وت: دەزگای هەواڵگری پولیس ئیران دەسگیرکردن چوار کەس راگەیان ک لە گورجەیل سەرەکی دریەنە قەڵەم، و سەرکیین لە خراوکردن ئاسایش و هاندان لەبان کارەیل ئاژاوە.
عەلی قازی مهر دادوەر لە تەهران پایتەخت وەرجەیە دەرکردن فەرمانەیل زیندانیکردن لەبان ٤٠٠ کەس راگەیان، ئەوەیش لە پشت بەشداریکردنیان لەناو ئەو ناڕەزایەتیەیلە.
دادوەر وت: سزای زیندانیکردن لە ٥ تا ١٠ ساڵ لەبان ١٦٠ کەس لە تەهران دەرچگە، و سزای ٢ تا ٥ ساڵ زیندانی لەبان ٨٠ کەس، و سزای دوو ساڵ زینداەیان ١٦٠ کەس، و سزای باج پویل لەبان ٧٠ کەس دریا.
ناڕەزایەتیەیل لە ماوەی ٧ هەفتە لە ئیران دویای مردن ژینا ئەمینی لە تەمەن ٢٢ ساڵان دویای دەسگیرکردنی وەلایەن پولیس ئەخلاق دەسوەپی کرد.
لەناو ئەو ناڕەزایەتیەیلە ک دویای مردن ئەمینی ویرەداری گەنجەیل ئیرانی فرەیگ وەرانوەر دەسەڵات ئاینی دەرکەفت، ک لە ئاست رخچگن لەو رژیمە دەرچگن ک لە دویای شۆڕش ساڵ ١٩٧٩ ئۆپۆزسیۆن خنکانیە.
لە رووژ چوارشەممە، ئەمریکا وت: خوازێد ئیران لە دەسەی نەتەوە یەکگرتگەیل ک تایبەتە وە رەوش ژن دەرکەێد، ک ئەو دەسە ٤٥ ئەندام هاناوی، ئەوەیش لەوەر رەتکردن لە ماف ژن و ئەو کوشتن و بڕین وەحشیانە وەرانەوەر ناڕەزایەتیەیل.
