فراوانبوین ناڕەزایی ئیران ک چوودە ناو رووژ هەشتەمی
شەفەق نیوز/ ناڕەزاییەیل جەماوەری لە ئیران، ئمڕوو شەممە، دووارە نووەو بوێ، و رەسیە شارەیل نوویگ لە تەهران و قوم، دویای ئەوەگ چیە ناو رووژ هەشتەمی.
ریخریاییگ ماڤپەروەر لەباوەت ئیران، ک بارەگاگەی هالە نەرویج، خەوەردا لە کوشتن ٥٠ کەس لەلای کەمەو لە ناڕەزاییەیل ئیران.
هەرلیوا، ئەحمەد وەحیدی وەزیر ناوخۆی ئیران، دووپات لە بڕیان ئەنتەرنێت لە ئیران کرد، ئەوەیش ئەرا کپەوکردن ناڕەزایل، لەو خوەینشاندانە ک یە هەفتەیگە وڵاتەگە گردیە.
وەحیدی لە وتارەیلی ئەرا میدیایل راگەیانن ئیرانی وت: وەهەر جویریگ ئەوەسا ئی خوەینشاندانە تەواو بوود.
لە ١٦ی ئەیلوول، لە دویای مردن ژینا ئەمینی، دویای سێ رووژ لە دەسگیرکردنی لەلایەن پۆلیس ئەخلاق، ناڕەزایی دەسوەپی کرد.
ئەو رویداوە بویە هووکار تویڕەیی جەماوەری فراوانیگ لە چینەیل سیاسی و راگەیانن ئیران، لەناو باسەیلیگ جیاواز لە هووکار مردنی، لە وەختیگ ئیبراهیم رەئیسی سەرۆک ئیران، وت: ئەوەسا لێکۆڵینەوە لە مردن ئەو دویەتە واز کریەێد.
