ئەمریکا سزا لەبان ئەو کۆمپانیایلە چەسپنێد کە دەسمیەتی لە دروسکردن فڕۆکەی بێفڕۆکەوان و مووشەک ئیران دەن
ماتیۆ میلەر، قسەکەر وەزارەتەگە لە بەیاننامەیگ وت : وڵاتەگەی سزا لەبان چوار لایەن چەسپانیە کە جویر کۆمپانیای پیشەنگ و لقەیل ئەمریکا کارکەن، یەیش نشانەس ئەرا ئەوە کە ئەو لایەنەیلە کەرەستە و تەکنەلۆژیای هەستیار ئەرا بەرنامەیل مووشەک بالیستیکی ئیران و فڕۆکەی بێفڕۆکەوان دابینکردنە، لەناویان فڕۆکەی بێفڕۆکەوان لە ئیران کە سوپای ڕووسیا دژ ئۆکرانیا وەکاری تیەرێد.
وتیش: فڕۆکەی بێفڕۆکەوان دروسکریاگ ئیران ئەرا ئەنجامدان کردەوەی تیرۆریستی وەکار تیەرێد، لەوانە دەیان پەلامار میلیشیایل سەر وە ئیران لەبان کارمەنەیل ئەمریکا کە لە ئەنجامی سەربازەیل ئەمریکی کوشیان.
میلەر وتیش: حوسییەیل سەر وە ئیران وە فڕۆکەی بێفڕۆکەوان و مووشەک دروسکریاگ ئیران پەلامار کەشتییە بازرگانییەیل و سەروەت و سامان دەریایی ئەمریکا دەن.
قسەکەر ئەمریکی باس ئەوە کرد کە “ئەمریکا پابەندە وە کەڵک وەرگردن لە گشت ئامرازە وەردەسەیل ئەرا ئاشکراکردن و پرسیارکردن لە تاک و قەوارەیل لە وەرانوەر بەشداریکردن لە بڵاوبوین رژیم ئیران کە ڕاستەوخۆ زیان وە کارمەنەیل ئەمریکی لە ناوچەگە رەسنێد و بەشدارە لە ناسەقامگیری هەرێمی لە خوەرهەڵات ناوڕاس و جەنگ ڕووسیا و ئۆکرانیا”.
