کۆشک چەرمگ هووکارەیل فرەوبۊین پەڵامارەیل بان هێزەیل ئەمریکی لە عراق دیاری کەێد

شەفەق نیوز/ کۆشک چەرمگ هووکارەیل زیادبۊین پەلامارەیل وە رۊی ئەرا بەرژەوەندیەیل ئەمریکا لە عراق و سوریا دەسنیشان کردیەە ک ئەگەر فرەیگ لە هووکارەیلی دانوستانەیل ڤییەنا و ساڵیاد کوشیان فەرماندەی سوپای قودس ئیرانی  قاسم سولەیمانی بوود.    

جین سای قسەکەر کۆشک چەرمگ لە کۆنگرەیگ رووژنامەوانی ک شەو پەنجشەممە سازدا وت: نێەتۊنیمن وە تەواوی بۊیشیمن ئی پەڵامارەیلەی ۆی دۊیاییە کی بۊینە یا ئەراچە  پەلامارەیلە فرەو بۊینە، گومان لەوە نییە  ک پەیوەنی  وە دانوستانەیل ڤییەنا یا ساڵیاد کوشیان سولەێمانی بیاشتوود.    

ساکی، وتیش: "ئیمە لە ئیسەوە کارکەێمن ئەرا ئەوەگ وە تەواوی دیاری بکەیمن  کی وەرپرسیارە و خوازین چەن و لەوەر ئەوە هۊیچ ئەنجام شیکارییگ تر نێریمن".