ئەمریکا وە ئیران: چەومان ها دیاردان
شەفەق نیوز/ جیک سالیفان راویژکار ئاسایش نەتەوەیی ئەمریکا وت: وڵاتەگەی وەگەرد خوەینیشاندەرەیل ئیران وسێد، و ئەوەسا سزای هەرکەسیگ دەێد تەقەلای کپەوکردن دەنگیان وە زوور بیەێد.
ساليفان کەبان "تویتەر" هوشداری کرد ک جەهان چەوی هادیار ئەوەگ لە ئیران رویدەێد، وتیش: لە کۆتایی هەفتەگە، خوەینیشاندەرەیل بیگوناه وەگولە کوشیان، دویەتیگ هاناویان، سەرۆک ئیران باس خوەینیشاندەرەیل وە "مەگەز" کرد.
سالیفان دووپات کرد ک ئی خوەینشاندەرەیلە هاووڵاتی ئیرانیین، ژن و دویەت ریبەرییان کەن، داوای کەرامەت و مافەیل سەرەکی کەن، وەگەردیان وسێمن، و ئەوەسا سزای ئەو کەسەیلە دیمن ک وە زبری رەفتار کەن، لە تەقەلایگ بیخودی ئەرا بیدەنگکردنیان.
وەرجەیە، ماڵ چەرمگ باس ئەو هەڵمەتە ئەمنیە کرد ک دەسەڵاتەیل ئیران دژوە ناڕەزایی مەردم لەبان مردن مەهسا ئەمینی کرد، ک لەلای پۆلیس ئەخلاق گریا، و ناوی وە "نیگەرانکەر ودڵتەزن" نا، ئەو کارە بویه ک تەهران باس سیاسەت دووچەوەکی لەلایەن خوەرئاوا لەلی کرد، ک دووچەوەکی وەرانوەر ماف مرۆڤ وژن کەێد.
