بلینکن: ئەمریکا وەرانوەر پەلامار هاوپەیمانەیلی لە کوردستان دەسبەسیاگ نیەوسێد

شەفەق نیوز/ وەزیر دەرەوەی ئەمریکا راگەیان، وڵاتەگەی وەرانوەر  پەلامارەیل بان هاوپەیمانەیلە لە هەرێم کوردستان، دەسبەسیاگ نێوسید. 

وەپەی زانیارییە میدیایلە، ئەنتۆنی بلینکن، وەزیر دەرەوەی ئەمریکا لە قسەکردن لەباوەت پەلامارە مووشەکییەگەی ئیران لەبان هەولێر، بە تەلەفۆن پەیوەندیی وە مستەفا کازمی، سەرۆک وەزیرەیل عراق کردگە.  ئەنتۆنی بلینکن لەو پەیوەندییە، وە مستەفا کازمی راگەیانیە: ئەمریکا وەرانوەر ئەو هەڕەشە و پەلامارە لەبان ”هاوپەیمانەیلمان لە هەرێم کوردستان، دەسبەسیاگ نێوسید“. 

وەزیر دەرەوەی ئەمریکا هەمیش وتیە: ئەمریکا هەڵوێستی وەرانوەر پەلامار بان هەولێر بوود، ”راستەوخۆ وەڵام ئیران و دارودەسەیلی لە عراق و ناوچەگە دەیمن“.