ئیران خوەی لە پەلامارە خویناویەگەی ئوردن دویر خەێد و باڵەیل عراقی خوەیان وە خاوەنی کەن

 نوێنەر ئیران له نەتەوە یەکگرتگەیل وت: ئیران هویچ پەیوەندییگ وەی پەلامارەیلە نەیرێد و جەنگەگە له ناوەین سوپای ئەمریکا و گرووپەیل خوەیڕاگری له ناوچەگەس، که وەرانوەر یەکتر جویلە کەن.

لەلای خوەییش "وەرخودان ئیسلامی" راگەیان لە شەوەکی رووژ یەکشەممەدا، وە فڕۆکەی بێفڕۆکەوان، چوار بنکە کردنە ئامانج، کە سێیان لە سوریا بوین (بنکەی شەدادی، بنکەی ئەلروکبان، و بنکەی ئەلتەنف)، و چوارەمیان لە ناو خاکە داگیرکرایەگەی فەلەستین بوی کە دامەزراوەی دەریایی زاڤولونە.

 جۆ بایدن سەرۆک ئەمریکا پەیمان وەڵامدانە دا و لایەنە پاڵپشتیکریایل ئیرانی وە وەرپرسیار ئەو پەلامار زانست و وەزیر وەرگری ئەمریکایش لۆید ئۆستین دووپات کرد کە واشنتۆن چەوپووشی لەو پەلامارە نیەکێد.