فیلمەگەی تۆم هانکس بوودە ڕاسی.. دوو پیاو لەناو زەریا گیر تێەن

Category: هه‌مه‌ڕه‌نگ

Date: 2021-10-10T11:39:23+0000
فیلمەگەی تۆم هانکس بوودە ڕاسی.. دوو پیاو لەناو زەریا گیر تێەن

شەفەق نیوز/ هەکاتی فیلم "كاست ئەواي" وەناوبانگترین فیلمەیل ئەکتەر ئەمریکی تۆم هانکس، لەبان زەۊی دوورگەی دۊیریگ لەناوڕاس زەریا، بۊیە راسی.  

دوو پیاو لە خەڵک دوورگەیل سڵیمان، لەناو ئاو زەریای هادی تا ماوەی ٢٩ رووژ گیر هاتن، و تا ئەوەنە وەرانوەر کنزرزو بزبوا گینیا وەدۊری ٤٠٠ کیلومەتر رزگاریان کریا،  وەخواردن گۊزهیند و پڕتەقاڵ گوزەران کردن. 

دوو پیاوەگە وەناو دەریاگە لەی دوورگە تا ئەوەکە گەردیان، تا یەک رەشەبایگ داگە بەلەم هەفت مەترییان. 

ئی باسە فرە لە شیوەی فیلم "كاست ئەواي" کەێد کنلە ساڵ ٢٠٠٠ دەرچگ، و باس پیاویگ کەێد ٤ ساڵ لەبان دوورگەیگ گیر هات،  وەرجەیە لەناوڕاس زەریاگە پەیای بکریەێد.   لە باسە راسیەگە، لەناوڕاس وارانە رفتەگە و ئەورە سیایلە و رەشەبا تونەگە، هۊیچ هشکییگ لەڕۆی لیڤی نانجیکانا و جۆنیور کۆلونی دیار نەۊی. 

و پاتری ئامێر جی بی ئێسەگە تەواو بۆی، و تا شەو لەلیان هات، و دوو شەو لەژیر وارانە رفتەگە گوزەران کردن، و هەوا تونەگە بەلەمیان دۊیرەو خست. 

لە ماوەی یەکەم نۆ رووژیان، بڕئ پڕتەقاڵ خواردن ک وەگەردیان بۊی، و دۊیای تەواوبۊن میوەگە، وە ئاو واران و گۊزهیند گوزەران کردن، و سەسکردنە نماز خوێنین، تا وە تەکان هەواگە بەلەمیان رەسیە شۊنیگ تر، و راوچییگ لەلیان دیار بۊی، و دەسکردنە هاوار و چڕین،  تا لەلیان ئاگادار بۊی و وەرەوپییان هات.                   

related

تەڵاق ٦٢٥ مەلیۆن دۆلاری

Date: 2021-07-17 08:54:32
تەڵاق ٦٢٥ مەلیۆن دۆلاری

دزێگ تانەی کەم پۊلی دەێدە خاوەن  ماڵێگ

Date: 2021-10-19 10:53:08
دزێگ تانەی کەم پۊلی دەێدە خاوەن  ماڵێگ

بویچکترین زاوا لە عراق

Date: 2021-07-22 12:40:32
بویچکترین زاوا لە عراق

وڵات میسر.. دز نەگبەتیگ مۆبایل لە پەخش تەلەفزیۆنی راستەوخۆ دزێد

Date: 2021-10-19 16:25:23
وڵات میسر.. دز نەگبەتیگ مۆبایل لە پەخش تەلەفزیۆنی راستەوخۆ دزێد

لە دێرک.. پیاویگ نەوەت ساڵان یە ٣٥ ساڵە ئاو نەنووشیە

Date: 2021-08-15 08:26:42
لە دێرک.. پیاویگ نەوەت ساڵان یە ٣٥ ساڵە ئاو نەنووشیە

دوەێەتیگ سوری پەڵپ شیروای ئەڵاجەوییگ گرێد

Date: 2021-08-31 15:20:09
دوەێەتیگ سوری پەڵپ شیروای ئەڵاجەوییگ گرێد

پەیاکردن کلکوانەیگ یە ٢٥ ساڵە گوما بویە لە شوینیگ کەس مەزەنەی نێکەێد

Date: 2021-09-04 11:53:29
پەیاکردن کلکوانەیگ یە ٢٥ ساڵە گوما بویە لە شوینیگ کەس مەزەنەی نێکەێد

ئۆپرا خراویەیل ژیان خوەی ئاشکرا کەێد

Date: 2021-05-04 08:57:46
ئۆپرا خراویەیل ژیان خوەی ئاشکرا کەێد