دویای ناڕەزایی مەردم لەبان مردن "ژینا" دەسەڵات ئیرانی وە فەرمی تیەێدە دەنگ

Category: هــــه‌واڵ جیــهانى

Date: 2022-09-19T08:13:06+0000
دویای ناڕەزایی مەردم لەبان مردن "ژینا" دەسەڵات ئیرانی وە فەرمی تیەێدە دەنگ

شەفەق نیوز/ ئاژانس خەوەری نیمچە فەرمی ئیران "فارس" وت: پۆلیس ئیران باس مردن مەهسا ئەمینی "ژینا" وە "رویداویگ خەفەتباری" کرد، ک نیەخوازێد دووارە بوودەو.

ئەمینی لە تەمەن ٢٢ ساڵان، دویای لەهووشچگنی مەوقەی دەسگیرکردنی وەلایەن پۆلیس ئەخلاق لە تەهران لە هەفتەی گوزەشتە، گیانی لەدەسدا، ک بویە ناڕەزایی لە ناوچەیل وڵاتەگە، لەوەر رەفتار هیزە ئەمنیەیلە وەرد ژنەیل.

رۆیتەرز لە زوان حسێن رەحیمی فەرماندەی پۆلیس تەهران وت: توومەتەیل ناشرینیگ وە پۆلیس ئیرانی کریاگە، ئەوەسا چەوەڕی کەیمن تا فەرمان دەرچوود، باوجی نیەتوەنێمن واز لە جیوەجیکردن ئەرک ئەمنی باریمن.

مەهسا ئەمینی رووژ جمعەی گوزەشتە دویای لەهووشچگنی گیانی لەدەسدا، ئەوەیش دویای دەسگیرکردنی رووژ چوارشەممە وەدەس پۆلیس ئەخلاق لە تەهران، ک هیشت چالاکوانەیل داوای سزادان وەرپرسەیل لە مردنی بکەن.

مەهسا وەگەرد خیزانەگەی لە سەردانیگ بوی ئەرا تەهران، هەنای یەکەی پۆلیس ئەرا چەسپانن ریسگایل دڵنگ و پووشین لەچگ نوایان گرد.

 تەلەڤزیۆن ئیرانی فەرمی رووژ جمعە وت: وەداخەو مرد و تەرمەگەی ئەرا پەیمانگای پزشک شەرعی کلکریا.

related

دویەتیگ ئیرانی دویای دەسگیرکردنی وەلایەن "پۆلیس ئەخلاق" گیانی لەدەس دەێد

Date: 2022-09-17 07:36:32
 دویەتیگ ئیرانی دویای دەسگیرکردنی وەلایەن "پۆلیس ئەخلاق" گیانی لەدەس دەێد

ڤیدیۆ.. وەخاکسپاردن تەرم مەهسا ئەمینی وە ئامادەبوین مەردم فرەیگ لە ئیران

Date: 2022-09-17 08:07:42
 ڤیدیۆ.. وەخاکسپاردن تەرم مەهسا ئەمینی وە ئامادەبوین مەردم فرەیگ لە ئیران