دویەتیگ ئیرانی دویای دەسگیرکردنی وەلایەن "پۆلیس ئەخلاق" گیانی لەدەس دەێد
شەفەق نیوز/ سەرۆک ئیران فەرمان وازکردن لێکۆلینەوە لە باوەت دویەتیگ دا ک مەوقەی دەسگیرکردنی لە تەهران لە هووش چگ، ئیجا گیانی لەدەسدا.
پۆلیس وت: ئەو ژنە ک رووژ سێشەممە دەسگیر کریا، تویش نووڕەدڵ هاتیە.
وەگورەی ئاژانس خەوەری "ئیرنا" سەرک ئیبراهیم رەئیسی داوا لە ئەحمەد وەحیدی وەزیر ناوخۆ کردیە لێکوڵینەوە وەشیوەی زوییگ و گرنگییگ تایبەت وەی رویداوە واز بکەێد.
وەگورەی راپۆرتەیلیگ لەبان سۆشیال میدیا، مەهسا ئەمینی لە تەمەن ٢٢ ساڵان، رووژ سێشەممە وەلایەن "پۆلیس ئەخلاق" دەسگیر کریا، هەنای لەچگ سەری وەشیوەیگ گونجیاگ نەویە.
پۆلیس لە رووژ پەنجشەممە وت: مەهسا بریا خەسەخانە دویای ئەوە ک گوایە لەناو بەندیخانە تویش نووڕەدڵ هاتیە.
سایتەیل خەوەری لایەنگرەیل چاکسازی، لە زوان مامەی مەهسا وت: هویچ گیچەڵیگ لە دڵی نەیاشتیە.
رووژ جمعە، پۆلیس وت: هویچ رەفتاریگ تون لەناوبەین ئەفسەرەگە ودویەتەگە نەویە.
