هەنگاو: لە نارەڕایەیل چلەی ماتەمین"ژینا" 16 کورد کوشیایە
2022-11-01T08:40:01+00:00
شەفەق نیوز/ وەپای ئاماریگ ریخریاگ ماف مرۆڤ هەنگاو، لە خوەینیشاندەرەیل ئی دویایە 6 هاوڵاتی لە شار مەهاباد، و 5 لە سنە و 3 هاوڵاتی لە بانە و شارەیل قەسرشرین و پیرانشار کوشیانە.
لەناو کوشیاگەیل 3 کەسیان ژنن و و 3یانیان تەمەنیان خوار 18 ساڵانە، هەمیش هاوڵاتییگ باشوور کوردستان ئەرا رێورەسم خاک سپاردن یەکیگ لە کوشیاگەیل شار بانە چگە ئەرا بانە وە تەقەی راستەوخوەی هیزەیل سووپای پاسداران ئیران کوشیا.
وەپای ئی راپۆرته 14 حالەت واتە 88% کوشتنەیل وە تەقەی راستەوخۆی هیزەیل ئەمنی ئیران بویە، و دویەتیگ تەمەن 16 ساڵان وە لێدان وشانن تونیگ باتوم لەسەری گیان لە دەسدایە و پیاویگیش لەوەر تاسیان لە دویای ئەوەگ کەفێدە وەر گاز ئەسر رشن گیان لە دەس دەێد.
