چەن چشت ئەڵاجەۊییگ یابان دروسی کردگە
شەفەق نیوز/ هەڵبەت وەگورەی خوازین مەردم ئەرا چشتیگ، ئەو چشتە دروس کریەێد، وەلی یابانیەیلە فرە چشت دروس کردنە، لەیرا باس چەن چشتیگ ئەڵاجەۊی کەیمن ک لەیابان دروس بۊینە، و شایەت کەسیگ وەپیان نێزانێد، یا کەسەیل فرە کەمیگ وەکاریان هاوردنە.
کڵاویگ ئەرا گووش؛ فرەجار لە سەردی زمسان، هەس کەیمن گووشەیلمان رچکیانە، چۊنکە گووش بەسەزوان هەمیشە وەتەنیا مینیدە وەر هەوای سەرد و وەفر و واران.
چەتریگ ئەرا کەوش؛ هەنای واران وارێد، کەفێدە مەینەت پاکەوکردن یا هشکەوکردن کەوش، ئەراوە، چەتریگ ئەرا کەوشیش دروس کریاگە، ک شایەت ژنەیل فرە خوەشیان لەیە باێد.
پەنکەی خوەراک؛ فرەجار وەرسگدە و سەبریگ ئەرا چەوەڕی نەیرێ، وەلی خواردەنەگە سۊیەرە، هاتن ئەرا ئی گیچەڵە، پەنکەی بۊچکیگ دروس کردن، تا خواردەنەگە سەردەو بکەێد.
کەوچگ و سێڵفی؛ ماڵپەڕەیل شۆسیال میدیا، پڕ بۊینە لە وێنەیلیگ لەوەخت خواردن، و تا ئی گرتەیلە ئاسانەو بکەن، ئی کوچگە دروس کردن ک خوەی هەمیش گووچان سێڵفیە.
مۊ ناو ئاش؛ تا مۊ سەر نەکفێدە ناو خوەراک، ئی ماسک ئەڵاجەۊیشە دروس کریا.
خەفتن وەچەو واز؛ شایەت کەسیگ شەو نەخەفتگە، و لە مەوقەی کارەگەی خەوی تیەێد، چە بکەێد؟، یەیشە ئاسانە، چەویگ درووکانی ئەرای دروس کردنە، ک شیوەی ها خەوەر، و خوەییش خەفتگە.
