پیاویگ یابانی کاریگ جیاواز ئەرا خوەی پەیا کەێد
شەفەق نیوز/ گشت کەسیگ ئەرا دابینکردن بژیوی ژیانی کارکردن خوازێد، باوجی پیاویگ یابانی هۊچ کاریگ نیەکەێد و وەگەرد ئەوەیش توەنێد وە خاسترین شیوە بژێوی ژیان خوەی دابین بکەێد.
لە هەواڵیگ ماڵپەڕ جەزیرە باس لە "موریموتو" کەێد ک وەگەرد ئەو کەسەیلە چوودە دەێشت ئەرا ژەمیگ نان خواردن ک ئەزرەت باسکردن بیرەوەی و کارەیل ڕۆژانەیان کەن لە وەرانوەر ئی پیاوە یابانیە ک تەنیا گوش گرێد، ئەرا ئی کارە لە وەرانوەر هەر 45 خولەکیگ 85 دۆلار ئەمریکی وەرگرێد.
"ئوکاری شیرای" یەکیگە لەو کەسەیلە ک وەگەرد ئی پیاوە یابانیە ژەمیگ نان خواردیە باس بیرەوەریەیل خوەی کردیە چەن وینەیگ لە ساتە خوەشەیل ژیانم نیشان موریموتو دایە ئەویش تەنیا بزگەخەنە ئەرا قسەیلم کردیە، ئورکای ئۊشێد "لەو مەوقە هەس وە ئەوە کردمە ک دەرۊنم ئارام بۊیە و وەگەرد کەسیگ بۊم ک گو٢ش لە قسەیلم گرێد و لە هەمان وەخت هەس وە ئەوەیش کردمە ک وەگەرد هۊچ کەسیگ نەۊمە لەوەر ئەوە ک هۊچ چشتیگ ئەنجام نەیاگە".
