٤٠% گەنجەیل فەرنسا وەڕاسی باوەڕ وە جادوو دیرن
شەفەق نیوز/ دادوەری فەرەنسا، ئمڕوو پەنجشەممە، لێکۆڵینەوە لە سکاڵای بۆل بۆغبا بازیگەر تووپان فەرەنسا واز کرد، ک گوایە کەفتیەسە وەر چزدان لەلایەن کابرایگ جادووباز.
سایت "مۆنتی کارڵۆ"ی فەڕەنسی وت: بۆغبا داوا لە یەکیگ لە جادووبازەیل کردیە لەبان بازیگەر کیلیان مبابی بخوەنێد.
سایتەگە وتیش" وەرجەیەگ بڕیگ هەنەکی وەی باوەت باوەڕیە وە جادووبازی بکەن، رەوانگەی را دیاری کرد ک ٤٠% لە گەنجەیل فەرنسا وەڕاسی باوەڕ وە جادوو دیرن.
دویای سەدەیلیگ لە شارستانی و زانستی وەخوەیباوەڕی ئایەم، دیارە کۆمەڵگای فەرنسا وەتایبەت گەنجەیلی دووارە خوەیان دەنە دەس جادوو.
لە رەوانگەیگ لەلایەن "دامەزراو ڕای گشتی فەرەنسی" لە کانوون دویەم ٢٠٢٠ دەرچگ ک دووارە ئەرا ئەفسانەیی و باوەڕ راسی وە جادوو هاتیەسە دی، و نزیکەی ٢٨% لەناو فەرەنسیەیل کیشێد، دویای ئەوە ک وەرجە چل ساڵ تەنیا ١٨% بوی.
دیارییش کرد ک ٤٠% لەو کەسەیلە ک تەمەنیان ها ژیر ٣٥ ساڵان باوەڕ وە جادووبازەیل دیرن، واتە ئەوانەگ لە هەیشتایل پەیا بوینە وە خود ئاستەگە کەمباوەڕ وە ئاین نین.
دیارە جادوو زەوی نەختیگ لە یاریگایل تووپان و لەناو بازیگەرەیل پەیا کەێد، و زانیاگە ک لویس فرناندیز راهینانکار وەرین یانەی پاریس سان جێرمان نمەک رشانیادە ناو گۆڵەگە، و جیوڤاتی تراباتونی راهینانکار ئیتالی وەرین، وەرجە بازیەیل جام جەهانی ٢٠٠٢ ئاوڕەشەی گیاگە وە ئاو کلیسە کردیاد.
یاسا لەبان ئی "هونەریەیلە" سزا نیەێد، باوجی تەنیا ئەگەر کار خەڵەتیان لەناوی بوود، دەس دەێدە وەر.
