پۆلیس سلێمانی ژنیگ جادوباز دەسگیر کەێد
2023-07-07T12:19:06+00:00
شەفەق نیوز/ وەڕیەوبەرایەتی پۆلیس سلێمانی، ئمڕووجومعە، راگەیان مەفرەزەیل پۆلیس دژە تاوانەیل ژنيگ دەسگیرکردنە کارەیل جادوگەری نوشتە ئەنجامدایە.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت، " لە دویای چەودێری کردن مەفرەزەیل پۆلیس دژە تاوانەیل سلێمانی ئەرا ژنیگ ک گومان کریا کارەیل جادوگەر و نوشتە ئەنجام دەێد، هێزەیل پۆلیس دەسکردنە لێکۆڵینەوە، لەدویای وەرگردن بڕیار دادوەر ئەرا دەسگیرکردنی".
وەپای بەیاننامەگە، مەوقەی دەسگیرکردنی دەسنریاس وەبان بەڵگەنامە و کتاو و کەرەسەیل کارەیل جادوو ک توومەتبارەگە وەکاری هاوردیە لەبانی پویل لە مەردم سەنیە.
وتیش، " ئیرنگە، توومەتبار (و، ص، أ) وە بڕیار دادگا دەسگیرکریایە وەپای مادەی 456 لە یاسای سزادان عراقی".
