وینە.. ئاگر گەورایگ ٥٠٠٠ دۆنم زەوی له سلێمانی سزنێد
شەفەق نیوز/ وەڕیەوبەرایەتی دارستان وژینگە لە پارێزگای سلێمانی، ئمڕوو جمعە، راگەیان لە بڵویزەی ئاگر گەورایگ له زەویەیل لەوەڕ سروشتی مەزەنە کریەێد وەزیاتر لە ٥٠٠ دۆنم.
وەڕەوبەرایەتیەگە لەبەیاننامەیگ رەسیە ئاژانس شەفەق نیوز وت: ئاگر گەورایگ ئەو ناوە سزان لە سنور ئاوای فەقرە و ئاوکلە سەروە ناحیەی وارماوا لە قەزای شارەزوور.
بەیاننامەگە وتیش: وەگەرد ژنەفتن وەی رووداوە، تیمەیل ناوەند پۆلیس دارستان لە ناحیەگە روی کردنە شوون ئاگرەگە، ودویای رەنجەیل سەختیگ تیمەیل ئاگرکوژێنەوە توێەنستن ئاگرەگە کپەو بکەن، و ئاماژە دا ک کار ئاگر کپەوکردنەگە زیاتر لە ٣ ساعەت کیشا.
بەیاننامەگە هەمیش وت: ئاگرەگە زەرەد گەورایگ هیشتە جی وە سزیان زیاتر لە ٥٠٠٠ دۆنم لە گژ وگیا و دار سروشتی.
لە رووداویگ تر ، وەڕەوبەرایەتیەگە وت: ئاگریگ بویەو لە سنوور ئاوای نۆدێ سەروە ناحیەی سیتەک، وتیش تیمەیل ئاگرکوژێنەوە ئاگرەگە کپەو کردن.
وەڕەوبەرایەتیەگە وتیش: رووداوەگە بویە هووکار سزانن روبەریگ لە گژو گیای سەروشتی وەمەزەنەی ٢٠ دۆنم.
