پزشکیگ لە سلێمانی وەگولەی دەوانچە کۆتایی وەژیان خوەی تێەرێد

شەفەق نیوز/ ئمڕوو چوارشەممە، پزشکیگ لە سلێمانی لە هەرێم کوردستان، کۆتایی وەژیان خوەی هاورد، وە گولەیگ لە دەوانچەگەی خوەی، وەگورەی خەوردان پۆلیس پارێزگاگە.

سەرکەوت ئەحمەد قسەکەر وەناو پۆلیس سلێمانی ئەرا ئاژانس شەفەق نیوز وت: ئمڕوو، دکتۆر یاسین محمد، وەگولەیگ لە دەوانچەگەی خوەی  مارکەی تاڕق، لەناو ماڵەگەی لە گەڕەک توی لە سلێمانی خوەی کوشت، ودیاریکرد ک پزشکە خوەی کوشتەگەگە لەداڵگبوین ١٩٦٨، وپسپۆڕ بیماری ناوزگیە.

ئەحمەد دیاریکرد ک دەزگا پەیوەندیدارەگان تەرم پزشکەگە بردن ئەرا فەرمانگەی پزشکی دادوەری، و پۆلیس لێکۆڵینەوەیگ وەرووداوەگە کردەو.