سلێمانی.. دەسگیرکردن کابرایگ ١٦ مەلیۆن لە دویەتیگ بردیە وەرانوەر نویسانن جادوو

شەفەق نیوز/ وەڕێەوبەرایەتی گشتی نەهیشتن تونوتیژی دژوە ژن و خیزانەیل لە پارێزگای سلێمانی، ئمڕوو چوارشەممە، دەسگیرکردن توومەتباریگ راگەیان ١٦ مەلیۆن دینار لە ژنیگ بردیە وەرانوەر نویسانن جادوو ئەرای.

وەڕێەوبەرایەتیەگە لە بەیاننامیگ وت: مەفرەزەیگ لە ئەفسەر وئەندامەیل نویسینگەی دەربەندیخان سەروە وەڕێەوبەرایەتی نەهیشتن تونوتیژی دژوە ژن و خیزانەیل توومەتباریگ وەناو ( ش. ن. ر) دەسگیر کردن، ک کوردە لەتەمەن ٢٩ ساڵانە.

بەیاننامەگە دیاری کرد ک توومەتبارەگە ١٦ مەلیۆن دینار عراقی لە دویەتیگ بردیە تا نویسانن جادوو ودوعا ئەرای بنویسێد، و فرەجار هەڕەشەی دایە و رخی بردیە، و دویای تەقەلایل فرەیگ دەسگیر کریا، و هەواڵەی یاسا کریا.

وەگورەی مادەی ٤٥٦ لە یاسای سزادان عراقی، توومەتنارەگە کەفێدە لێکۆڵینەوە لەلایەن دادگای دەربەندیخان.