دەسگیرکردن ٢٥ کەس گوبەن هووزانەیگ لە باشوور عراق نانەسەو

دەسگیرکردن ٢٥ کەس گوبەن هووزانەیگ لە باشوور عراق نانەسەو
2021-05-16T10:25:47+00:00

شەفەق نیوز/ ئاژانس وەزارەت ناوخۆ ئەرا باوەتەیل پۆلیس، ئمڕوو یەکشەممە، راگەیان کپەوکردن مرافەیگ چەکداری هووزانە، و دەسگیرکردن هووکارەیلی لە پارێزگای بەسرە، لە وەختیگ ک پۆلیس بەغداد توومەتباریگ وەباوەتەیل خەڵەتانن و فێڵبازی دەسگیر کرد و دەسنا بان ماشینیگ دزیاگ.

ئاژانسەگە لە بەیاننامەیگ رەسیە ئاژانس شەفەق نیوز وت: دویای رەسین خەوەرەیلیگ وە مرافەیگ چەکدار هووزانە لە مەعقەل بەسرە، وەکوتپڕ هێزیگ دروس کریا و دویای دانان پلان توکمەیگ دەورگرد ناوچەگە گیر هاوریا و وەشکینیگ دەس وەپیکرد و مرافەگە کۆنتڕۆڵ کریا و ٢٥ توومەتبار لە هەردوگ لایەن مرافەگە دەسگیر کریا ودەسنریا بان ٧ ماشین و ٢ چەک کلاشینکۆف و ٣ تفەنگ M4 و عەتادەیل جووراجوریگ.

لەلای خوەییش، پۆلیس بەغداد لە بەیاننامەیگ رەسیە ئاژانس شەفەق وت: لە چالاکیە ئەمنیەیل وەڕێۆبەرایەتی باوەتەیل خاڵەیل و ریە دەیشتەکیەیل وەتایبەت لە خاڵ جەزیرە، مەفرەزەیل خاڵەگە توومەتباریگ وەباوەتەیل خەڵەتانن و فێڵبازی دەسگیر کردن.

Shafaq Live
Shafaq Live