کوشیان و زەخمداری ٤ کەس و دەسگیرکردن ٧ کەس تر لەوەر مرافەیگ هووزانە لە عراق
2021-06-09T14:25:28+00:00
شەفەق نیوز/ وەڕێۆبەرایەتی پۆلیس پارێزگای میسان، ئمڕوو چوارشەممە، راگەیان کوشیان و زەخمداری چوار کەس و دەسگیرکردن هەفت کەس تر لەوەر مرافەیگ هووزانە.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: مەفرەزیل بەش پۆلیس قەزای کەلار و فەوج فریاکەفتن میسان چوارەم، توێنستن مرافەیگ هووزانە وە چەقو لەناو یەکیگ لە ناوچەیل قەزاگە لە باشوور خوەرهەڵات شار عمارە کپەو بکەن، ک بویە هووکار کوشیان سێ کەس و زەخمداربوین یەکیگ.
و دیاری کرد ک مەفرەزیل پۆلیس دەورگرد شوین رووداوەگە گردن تا مرفەگە دووارەو نەوود، وتیش؛ زەخمدارەگە وەرەو خەسەخانە بریا ونریا وەر چوو تا ئەوەنە ریکارە یاساییەکان تەواو بوود، و هەمیش هەفا لە توومەتبارەیل ناو مرافەگە دەسگیر کردن، و دەس نریا بام دوو ماشین پیک ئاب.
