مرافەی هەزار دیناری لە میسان
شەفەق نیوز/ وەڕێۆبەرایەتی پۆلیس پارێزگای میسان، ئمڕوو شەممە، راگەیان دەسگیرکردن بڕیگ لەوەانەگ دەسیان هاناو تەقەکردنەگە لە مرافەیگ لە قەزای مجەر کەبیر.
هێزیگ ئەمنی تەقەکەرەیلیگ لەوەر مرافەیگ لەناوبەین دوو لایەن دەسگیر کرد ک لەیەکیگ لە ناوچەیل مجەر کەبیر لە شار عمارە بوی.
ئەحمەد عەباس قایمقام مجەر کەبیر وەرپرسایەتی ئەو مرافە ک ئیوارەی دوێەکە جمعە بوی و بویە هووکار کوشان مناڵیگ لەبان هەزار دینار خستە بان فەرماندەی ئۆپراسیۆنەیل سۆمەر.
عەباس ئەرا ئاژانس شەفەق نیوز وت: وەرپرسایەتی خەیمنە بان فەرماندەی ئۆپراسیۆنەیل سۆمەر لەو مرافە ک لە یەک ساعەت زیاتر وەپی چگ و قوربانی لەلی بویەو و ئاگردان لەتی کریا، و ئێمەیش وەرجە چەن رووژیگ ئاگاداریان کردیمن ک بابەتە هێزیگ ئەرا هەر مرافەیگ لە قەزاگە ئامادە بکەن.
وتیش؛ تەنیا ٣٠ پۆلیس لە قەزاگە دیریمن، و ئەوانەیش چەکەیل سووکیگ دیرن و توانای دەسوەردان لە هەر مرافەیگ نەیرن.
