دەسگیرکردن جادووبازیگ لە نەینەوا ژنەیل خەڵەتانیە
شەفەق نیوز/ دەزگای ئاسایش نیشتمانی، ئمڕوو یەکشەممە، قسەیل کابرایگ بڵاو کرد، ک کار جادووبازی کردگە، و ژنەیل خەڵەتانیە.
ئەو کابرا خەڵک پارێزگای نەینەوا، ئەرا دەزگایل ئەمنی باس کەێد چوین وە کار جادووبازی ژنەیل خەڵەتانیە، ک یە ٥ ساڵە ئی کارە کەێد.
وەگورەی قسەی کابرا، جادوو ئەرا دووسی، و گیریەدان زوان، و یار هاوردن، و جیاوەکردن ژن و شوی کردیە، و لەبان هەر کاریگ لە ٤٠٠ تا ٦٠٠ هەزار دینار بردیە.
وتیش: ئەگەر ژنەگە پویل نەیاشتیە، داوای بەدکاری لەلی کردیە وەرانوەر ئەو جادووە.
هەنای ئاسایش نیشتمانی لەو جادووبازە پرسێد، چوین دەسگیر کریای؟، وت: ژنیگ هاتە ماڵم داوای کاریگ جادوو کردیە، منیش لیوانیگ ئاو وەپی دامە، وداوا لەلی کردمە ئەو ئاوە بنووشێد، هەنای ژنەگە ئاوەگە نووشیە وڕ بویە و لە هووش خوەی چگە، منیش بەدکاری وەردی کردمە، و لەناکاوەو هیزیل ئاسایش نیشتمانی هاتنە ناو ماڵەگە و دەسگیرم کردن.
