دەسپاکی دەسگیر وەربرسەیلیگ پایەبەرز لە نەینەوا کەێد
شەفەق نیوز/ هێزیک لە دەزگای دەسپاکی، ئمڕوو جمعە، دەسکیر وەڕێۆبەر شارەوانی مووسڵ کرد، چوونکە دەسی لەناو تووڕ گەورایگ بویە ک دەسکاری زەویەیل دەوڵەت کردنە، وهەمیش وەرپرسیگ لە فەرمانگەی تەندروسی نەینەوا وەتومەتەیل گەندەڵی.
سەرچەوەیگ ئەمنی ئەرا ئاژانس شەفەق نیوز وت: هێزیگ لە دەزگای دەسپاکی لە نەینەوا، لە دویادویای ئی هەفتە دەسگیر ئەندازیار وەلید موەفەق جینشین وەڕێۆبەر شارەوانی مووسڵ کرد، ک لە پۆست وەرپرس بەش رێخسکتن ماڵداریەگان شارەوانیەگە بویە.
سەرچەوەگە دیاریکرد ک دەسگیرکردن موفەق لە پشت چەکانن تووڕیگ تەواوەتی هات ئەرا فرووشتن و دەسکاری لە زەویبیل دەوڵەت وەرجە دوو هەفتە، وتیش؛ هووکار دەسگیرکردن موەفەق لەوەر ئەوە بوی ک دەسی لەناو ئی باوەتەیلە بویە و ئاگا داشتگە لە ژمارەیل زەویە جیوازەگان ک نرخەیلیان فرە بەرزە، و شایەت دەس لە فرووشنتیان دیرێد، بەڵکم لێکۆڵینەوەگان وەگەردی هیمان وەردەوامن.
وتیش؛ دویای کەمتر لە ٢٤ ساعەت، دەسپاکی دەسگیر دکتۆر محمد عۆدە وەڕێۆبەر دەسە پزشکیەگان فەرمانگەی نەینەوا کرد، لەوەر گومانەیلیگ لە گەندەڵی، بەڵکم تا ئیسە هووکارە راسیەگە لە دەسگیرکردنی ئاشکرا نەویە.
