ژنیگ ئیتالی زیاتر لە نیم مەلیۆن دۆلار قەرەبوو وەرگرێد چوینکە لە مناڵیی وەگەرد کوورپەی ژنیگتر ئاڵشت کریایە
شەفەق نیوز/ ژنیگ ئێتالی زیاتر لە نیم مەلیۆن دۆلار قەرەبوو وەرگرد، دویای ئەوە ک ئاشکرا کرد لە مناڵەیی وەگەرد کوورپەی ژنیگتر لەناو خەسخانە ئاڵشتی کریایە.
رووژنامەی تایمز بەریتانی وت: ئەنتۆلیلا ئەو خانمە لە تەمەن ٣٣ ساڵان، سکاڵا لە شار بولیا لە باشوور ئیتاڵیا توومار کردیە، دویای ئەوە ک ئاشکرا کرد لە مناڵیی وەگەرد کوورپەی ژنیگتر لە خەسەخانەی زایین لە ناوچەی کانوسا دی بولیا ئاڵشت کریاگە.
پاریزەر ئەو خانمە وت: ئەنتونیلا توەنست ئەرا خوەی وەرد داڵگ وباوگ راسی خوەی ژیانی بوێدەسەر ک خاوەن کۆمپانیا بوینە، وماڵ گەورەیگ داشتنە، باوجی یە گشتی لەدەسدا.
ئەنتۆنیلا لە حوزەیران ١٩٨٩ لە ژنیگ وەناو کاترینا پەیا بویە، ئەوەیش وەگەرد مناڵزایین ژنیگتر وەناو کوریتا، ک مناڵەگەی ئەو دویای ئەوە ناوی نریا (لۆرینا).
جیاوازی ناوبەین هەردوگ زایین لە دە خولەک زیاتر نەوی، و هاتێ دەسوینک نشانەکردن وەدەسیان نەویە.
پاریزەرەگە وتیش: ئی خانمە زیان سەختیگ لە مناڵیی وەخوەی دیە، ک باوگ تونەڕەوی واز لە خیزانەگە هاوردیە، ئیجا داڵگییش واز لەلی هاوردیە، و کەفتیەسە لای باپیر وداپیری ک ئەوانیش ئەرا تورکیا کلی کردنە، و لەورا خیزانیگتر ئیوەتی کردیە.
لە ساڵ ٢٠١٢ ئەنتۆنیلا ئاشکرای باوەت ئاڵشتکردنی ئاشکرا کرد، دویای ئەوە ک داڵگ درووکانیی وینەیگی لە سۆشیال میدیا بڵاو کرد.
وتیش: ئەو ناوچە بویچگە ومەردمەگە یەکتری ناسن، و کاترینا هاوشیوەیی فرەیگ وەگەر ئەنتۆنیلا دی، ک داوای وەشکین دی ئێن ئێن کرد.
دویای دە ساڵ، ئەنتۆنیلا سکاڵایگ دادوەری لەبان حکومەت هەرێمی توومار کرد، تا نیم مەلیۆن یۆرۆ بکەفێدە دەسی، و باوگییش ٢١٥ هەزار یۆرۆ قەرەبوو کریا، و خوەشک بایلۆژیی وەناو (فرانشیسکۆ) ٨٢ هەزار یۆرۆ قەرەبوو کریا، و ئەنتۆنیلا ئەرا رووژنامەی لا ریبابلیکا وت" پویل چشتیگ ئاڵشت نیەکەێد و جارانی گلەو نیەێد.
