ژنیگ تەمەن 101 ساڵ 30 هەزار کارت پیروزبایی ئەرا رووژ لەداڵگبۊنی رەسێدەپی
2022-02-04T07:40:18+00:00
شەفەق نیوز/ ژنیگ تەمەن 101 ساڵ ئاهەنگ یەک سەدە و ساڵیگ لە تەمەنی سازکەێد ئیەش دۊیای ئەوەگ لە ساڵ گوزەشتە لەوەر کۆرۆنا ئاهەنگ سەد ساڵەی لەداڵگبۊینی ساز نەکردیە، ئیسە و لە 101 ساڵی وەهاوکاری شمارەیگ فرە لە مەردم جەهان یاد سەدەیگ لە ژیان خوەی کەێد.
ئی خانمە ناوی " ئێدنا"س لە یەکیگ لە خانمەیل وەساڵاچۊیەیل لە "گلاسگۆ" ژیان وەسەر بەێد، دۊیای ئەوەگ لە ساڵ گوزەشتە لەوەر هەلومەرج کۆرۆنا کارت پیرۆزبایی وەلایەن شاژن نەرەسیەوەپی، چەودێرەیل خانەگە دوای هاوکار کردن، ئەراوە "ئێدنا" وە هاوکاری گشت جەهان و وە زیاتر لە 30 هەزار کارت پیروزبایی یاد 101 ساڵەی لە داڵگبۊنی کرد، لە مابەینیان ئەکتەر کۆمیدی و دڵخوازەگەی "ئێدنا" "بێڵی کنلۆڵی" لە ری ڤیدیۆیگ تایبەت پیرۆزبایی لەو خانمە وەتەمەنە کرد.
