یەکەمین ڤیدیوی ئەورەیل بان هەسارەی موشتەری
شەفەق نیوز/ یەکەم سێ دویری 3D لە ئەورەیل ناو بەرگەهەوای هەسارەی موشتەری بڵاوکریانەو ک لە ری داتایەیل مانگ دەسکرد جونۆ گردەو کریانە و بوینەسە ڤیدیۆ.
شارەزای كەشناسیی كورد و ئەندام لە كۆمەڵەی گەردونناسی تێكساس لوقمان حەوێز وەرد بڵاوكردن ڤیدیۆگە راگەیان، کەشتی و مانگ دەستکرد جونۆ وەلایەن ناساوە لە بەروار ٥ ئاب 2011 کلکریایە وەرەو رویە گازیەیل ناو کۆمەڵەی خوەڕ و هەسارەی موشتەری، کارەیلی بایەت لەناوراس ساڵ 2021 کۆتایی بهاتاد، باوجی تا ساڵ 2025 کارکەێد، دویای ئەوە خریەنە بان هەسارەگە و لەری کەفتنەگەیشی بڕیگ زانیاری لەبان بەرگەهەوای موشتەری توومارکەێد و وەرجە ئەوەگ پەکی بکەفێد زانیاریەیلە کلکەێد.
“هەسارە گازیەیلەی ناو کۆمەڵەی خوەر ک (موشتەری، ساتۆرن، ئۆرانۆس و نیپتۆن) گرێدەو سەنگی نین جویر هەسارەی زەوی، بەڵکم سەر رویان شلە، لە گاز هایدرۆجین، هیلیۆم و میسان دروس بوود” جویر ئەوەگ لوقمان حەوێز باس وەلی کردیە.
