کامیرای ئاژانس شەفەق نیوز سیمای نیمچە خوەرگیران لە عراق توومار کەێد
شەفەق نیوز/ دەوڵەتەیلیگ جەهان، ئمڕوو سێشەممە، نیمچە خوەرگیران وەخوەیان دین، ک ناوچەیل فراوانیگ لە نیمەی باکوور زەوی گردەو، لە سیمای ئەرا دوو ساعەت وەردەوام بوود، و نیەڕسێدە تاریکی تەواوی، وەلێ بایەتە ئەوانەگ خوازن بنووڕنەی مقەیەتی خوەیان بکەن.
لە ئاست جەهان، خوەرگیران لە ساعەت ٨:٥٨ وەخت گرینیچ لە ئایسلەند دەسوەپی کرد، و لە ساعەت ١٣:٠٢ وەرانوەر هیند تەواو بوی، و رەد بویە ئەوروپا و باکوور خوەرهەڵات ئەفریقا و خوەرهەڵات ناوڕاس و عراقیش وەگەردیان، وەگورەی پەیمانگای فەڕەنسی ئەرا میکانیکیای ئاسمانی، وەگەرد رووژنامەی گەردوونی رەوانگەێ پاریس.
لە عراق، ئاژانس شەفەق نیوز چەودیاری سیمای خوەرگیران لە کۆلێژ زانست بەش زانست گەردوون لە زانکۆی بەغداد لە پایتەخت عراق کرد، هەمیش لە پارێزگای سلێمانی لە هەرێم کوردستان، ک لە ساعەت ١٢:٥٩ وە وەخت عراق دەسوەپی کرد.
پەیامنێر ئاژانس شەفەق نيوز وت: بەشەیل زانست گەردوونی لە زانکۆی بەغدا، و فیزیا لە کۆلێژ زانست لە زانکۆی سلێمانی، ئمڕوو چەودیاری مەیدانی ئەرا ئەو سیمای گەردوونیە وە ئامیرەیل پیشکەفتگ کردن.
دکتۆر محمد ئیحسان پسپۆڕ فیزیا لە زانکۆی سلێمانی ئەرا ئاژانس شەفەق نیوز وت: سیمای نیمچە خوەرگیران بڕیگ لە ناوچەیل نیمەی باکوور زەوی گردەو، ک تا دوو ساعەت وەردەوام بوی،و دیاری کرد ک سیماگە ئمڕوو سێشەممە لە ساعەت ١٢:٥٩ داویای نیمەڕو دەسوەپی کرد، و تا ساعەت ٣:٣٠ ئیوارە وەردەوامە.
وتیش: بەرزترین ئاست نیمچە خوەرگیران ئەوەسا ٥١ لەسەد لە خوەرەگە پووشێد، ئیجا هویردە هویردە کەمەو بوود، تا لە ساعەت ٣:٣٠ لە هەرێم کوردستان تەواو بوود.
محمد دیاری کرد ک خوەرگیران لەوەختگ بوود ک خوەر و مانگ و زەوی کەفنە یەک رز، و هەنای کەفنە کەنار یەک، ک سای مانگەگە خوەرەگە وتەواوی پووشێد، وسای مانگەگە نیەڕەسێدە زەوی، و کەسیگ لە جەهان نیەتوەنێد بنووڕێدە پووشیان تەواوی خوەرەگە، و دیاری کرد ک یە شانزەهەمین نیمچە خوەرگیرانە لە سەدەی بیس ویەکەم، و دویەمە لەی ساڵە.
