نیمچە ئەسارەی گەورەیگ ئەوەسا لەنزیک زەوی رەد بوود
2022-10-31T10:58:12+00:00
شەفەق نیوز/ بڕیارە ئەو نیمچە ئەسارە ک وەیزویە پەیا کریاگە و شایەت رخیگ لەبان زەوی داشتوود، لە جەژن هالوین وەنزیک زەوی رەد بوود، ک قەوراوی وەگوفەی باڵەخانەی گەورەیگە.
قەوارەی ناوقەی ئەو نیمچە ئەسارە وەناو 2022 RM4، ها ناوبەین ٣٣٠ و ٧٤٠ مەتر.
وەگورەی ئاژانس ناسا؛ ئەو نیمچە ئەسارە ئەوەسا وە تونی نزیکەی ٨٤٥٠٠ کیلومەتر لە ساعەتیگ رەد بوود، واتە ٦٨ قات لە تونی دەنگ زیاترە.
نزیکترین هاتنی وەرەو زەوی کەفێدە یەک تەشرین دویەم، ک نیمچە ئەسارەگە وە رووبەر ٢،٣ مەلیۆن کیلومەتر لە زەوی نزیکەو بوود، واتە بوودە شەش قات رووبەر ناوبەین زەوی ومانگ، یەیش وە چەو بنەمایل گەردوونی فرە نزیکە.
خەوەرە خوەشەگە ئەوەسە ک ناسا ئویشێد: زەوی تا ماوەی ١٠٠ ساڵ بانان لەلای کەمەو، هویچ رخیگ نەیرێد ک نیمچە ئەسارەیگ نیەێد لە زەوی.
