سەگیگ رزگار زاڕوویگ ئەمریکی لە پەلاماریگ مەرگبار کەێد

شەفەق نیوز/ لە کاریگ ئازایانە، سەگیگ ماڵی مناڵیگ ئەمریکی لە پەلامار سەگ بکوشیگ رزگار کرد.

ئەو سەگە وەناو (تانک) مقەیتی کوڕ بویچگیگ لەتەمەن ٦ ساڵان کرد، هەنای لە باخچەی وەردەم ماڵیان لە باشوور فلۆریدا بازی کردیاد، و سەگ هار هاوسایان پەلاماری دا.

باوگ کوڕەگە ئویشێد: سەگ هاوساگە وەدەو ئەرا کوڕوگەم هات تا پەلاماری بەێد، و سەگەگەی ئیمە (تانک) ک تەمەنی یەک ساڵە، وە زوی رەسیە لای کوڕەگەم و پشتی گرد، ئیجا کەفتە وەردەم سەگ هاوسا.

مناڵەگەیش وەدەو رەسیە لای باوگی، و باوگەگەیش بویە ناوجیکەر هەردوگ سەگەگە.