کۆرۆنا زیان ده‌یده ئەمریکا .. لەماوەی یەک رووژ ١،٢ هەزار مردن ودەور ٦٠ هەزار تووشهاتن
2020-08-02T15:56:44+00:00
شەفەق نیوز/ زانکۆی ''جۆنز هۆبکینز'' خەوەردا: ئمڕوو ئەمریکا ئەرا شەشەم رووژ لە شوون یەک، زیاتر لە هەزار مردن لە ڤایڕۆس کۆرۆنا لەماوەی ٢٤ ساعەت تۆمار کرد.
زانکۆگە لەبان بنەمای ئامارەیل دەزگا فەرمیە فیدڕاڵی و ناوخۆیەگان و سەرچەوە کراوەگان دووپاتکرد ک ئامار قوربانیەیل ڤایرۆسەگە لە ئەمریکا لە ماوەی دویەکە شەممە رەسیە ١١٣٣ مردگ نوو (وەرانوەر ١٢٥٩ مردن جمعە، و ١٢٣٣ مردن پەنجشەممە، و ١٤٠٣ مردن چوارشەممە، و١٢٤٤ مردن سێشەممە، و ١٠٧٦ مردن دووشەممە).
لە خود وەختەگە، ئامار تووشهاتنە رووژانەگە وەکۆرۆنا لە ئەمریکا لەماوەی دویەکە کەمەوبوینیگ وەخوەی دی، وە بەراوردی وەل رووژ گوزەیشتە.
