مردنەیل کۆرۆنا لە ئەمریکا 900 هەزار کەس رەد کرد
2022-02-07T11:49:05+00:00
شەفەق نیوز/ وەگورەی ئەو داتایەیلە ک لە زانکۆی "جۆنس هۆپکینس" بڵاوکریایە لە سەرەتای سەرهەڵدان ڤایرۆس کۆرۆنا تا رووژ جومعە 4 شوبات 2022 زیاتر لە 900 هەزار کەس وە ڤایرۆس کۆرۆنا گیان لەدەسدانە.
شارەزایەیل ئۊشن یە شمارەی ڕاستەقینەی مردن وە ڤایرۆسەگە نییە،.باوجی لەیە زیاترە، وەگورەی مەزەنەیل سەنتەر لێکۆڵینەوە و نواگردن لە بیماریەیل ئەمریکا شمارەی مردن وە کۆرۆنا لە ئەمریکا وە ڕێژەی ٪32 زیاتر بۊیە لەو شمارەی مانگ شوبات 2020 ئەرا مانگ ئەیلول 2021 توومار کریایە.
تەنیا لە ماوەی دو هەفتەی گوزەشتە رووژانە زیاتر لە دو هەزار مردن وە کۆرۆنا لە ئەمریکا توومار کریایە.
