خرس گەپیگ وەرەلا بوودە ناو شاریگ ئەمریکی.. ڤیدیۆ

شەفەق نیوز/ پارچە ڤیدیۆییگ لەبان ماڵپەڕەیل سۆشیال میدیا بڵاو بوی، نشان خرس گەپیگ دەێد، لەناو شار ئەشفیل لە ویلایەت نۆرت کارولینای ئەمریکا وەرەلا گەردێد.  

پۆلیس ویلایەت نۆرت کارولینا وت: دەرکەفتن خرسەیل لەناو شارەیل بویە سیمایگ ک دووارەو بوود، ک وەرجەیە سێ خرس وە ماوەی هەفتەیل کەمیگ هاتنە ناو شارەیل.   

ڤیدیۆەگە خرسیگ وەڕەنگ سیا نشان دەێد، دیارە لە شوینیگ مقەیەتیکریاگ وایە، چوینکە ملوانک وەشوینکەفتن لە ملی بوی. 

ئەو خرس گەپە لەناو ریەیل ناوچەی بریچارد پارک گەردی، و چیادە گژ دارەیل.