پزشکیگ هیندی لە ئۆکرانیا وەگەرد دوو پەڵنگ گیر هاتگە

شەفەق نیوز/ یە لە هەفتەیگ زیاترە، پزشکیگ هیندی وەگەرد دوو پەڵنگ، لە ژیر زەمینەی یەکیگ لە ماڵەیل ئۆکرانیا لەوەر جەنگەگە گیر هاتگە. 

وەرجە نزیکەی ٢٠ مانگ، جیری کۆمار باتیل لە باخچەی ئاژەڵ کیێڤ دوو پەڵنگ سەن، یەکیگیان ئەمریکیە لە چین "جگور" زەرد، و ئەوەکە رەنگ سیا.  

باریل ٤٠ ساڵان پزشک سوخانە، و یە زیاتر لە شەش ساڵە خوەی تەنیا لە ناوچەی سفرودۆنتیسک لە هەرێم دۆنباس ژیەێد. 

لە وەختیگ جەنگەگە دەسوەپی کردگە، باتیل لە ژیر زەمینەی ماڵەگە نێتیەێدە دەر، مەگەر دۊای تەواوبۊن قەیەغەی هاتووچفن لە شەوەکیان زۊ، ئەوەیش تا خواردن ئەرا پەڵنگەیلی بسینێد. 

باتیل ئۊشێد: لە مەوقەی جەنگەگە تا ئیسە دەور ٢٣ کێلوگرام گووشت لە ئاوایەیل دەوگرد ئەرا ئەو دوو پەڵنگە سەنیە.