وێنە.. سزیان دەیان مانگا و سەدان مامرەیل لە سلێمانی

شەفەق نیوز/ وەڕێۆبەرایەتی پۆلیس دارستان و ژینگە لە پارێزگای سلێمانی، ئمڕوو شەممە، راگەیان هەڵسان ئاگر گەپیگ لە سنوور ناحیەی گاپیلون ک بویە هووکار سزیان دەیان لەدۆنەمەیل وەگەرد سەدان لە وڵاخەیل و جویجگەیل.

وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: ئاگر گەپیگ لەوەر هووکارەیل نادیاریگ لە سنوور ئاوای بایهێزەوا هەڵسا، ودویای ئاگادارکردن بنکەی پۆلیس دارستان گاپیلون روی وەرەو شوین ئاگرەگە کردن وە دەسمیەتی بنکەی پۆلیس دارستان لە ناوچەی شارباژێڕ و وەرگری شارستانی لە قەزای ماوەت و چوارتا و خەڵک ناوچەگە و دویای رەنجەیل سەخت و فرەیگ ئاگرەگە کپەو کریا.

مەزەنەیل نشان دەن ک زەرەدەیل رووداوەگە رەسێدە سزیان ٨٠ دۆنەم لە کات و لەوەڕەیل و مردارەوبوین ١٠ مانگا و سوزیان و چەوسیان ٣٠ مانگای تر، وەگەرد مردارەوبوین ١٥٠٠ جویجگ.

بەیاننامەگە وتیش؛ داوا لە هاووڵاتییەیل کەیمن وە هوشیاری لە باخ و گێلگەیل و کۆێەیلە لەی وەرزە رەفتار بکەن و جیماگەیل ئاگر لە شوین خوەیان نەیلن.