ئەرا چە لە بەشیگ ئاژەڵەگان رەشبینی کریەێد

ئەرا چە لە بەشیگ  ئاژەڵەگان رەشبینی کریەێد
2020-09-16T10:31:59+00:00
شەفەق نیوز/ فەرجار لە هویرمان بڕیگ کەس هویر رەشبینییگ چەسپیەێد، لە دیدار بەشیگ لە ئاژەڵ ومەلەورەگان، ک فرەیگیان پەیوەندی لەناوبەین دیدار قەڵا یا بووم کەێد وەگەرد هویریگ لە رەشبینی، ک بوودە بیزاری گەورایگ لەلای ئەو کەسەیلە.
باوڕەگان بوونە هووکار پەیاکردن نیگەرانی گەورایگ لەلایەن فرەکەس، لە وەر رخیان لە رەفتارکردن وەگەرد ئەو زیندەوەرەیلە، یا نووڕستنیان لە شووینگ، وەتایبەت ئەگەر و ناوکاوی بوود، و هەمیشە هەست سەختیگ لە رەشبینی لەناخ ئەوانە پەیا بوود.
دکتۆر جەماڵ فرویز، راوێژکار پزشکی دەروونی، لەی باوەتە ئووشێد؛ ترس لە زیندەوەریگ یا رەشبینی لە دیدەنی، تەنیا کەلتوریگە ک هیچ پشتەی ئاینییگ نەیرێد.
فرویز هەمیش ئووشێد؛ ئەو کەسەیلەگ هەست وە رەشبینی کەن وەرانوەر زیندەوەریگ، لەناو خوەیان پەیوەندییگ هەڵگردنە وەی زیندەوەرە، بەڵکم لە راسی هیچ بنەمایگ نەیرێد.
راوێژکەر پزشکی دەروونیەگە ئووشێدیش؛ ئەو مەردمە ک لە دیدار قەڵا ترسن، ئەرا نموونە، چوونکە لەناویان نیگەرانی وترس سەختیگ هەس، چوونکە پەیوەندی لە هویرمانیان دروس بویە لەناوبەین ترسەگەیان و ئی مەلەوەرە، بەڵکم ئی هەستە بنەمایگ لە راسیەگەی نەیرێد، وبایەدە لەی هەستە قورتار خوەی بکەێد، ونەکەفێدە شوونی.
Shafaq Live
Shafaq Live