چیرووک ئەو دویەتە کە ٣٠٠٠ میل بڕیە تا چەوی بکەفێدە دووسەگەی
چیرووک بلانکا ئارێلانۆ لە لێکۆڵینەوەیل ئەفسەر وەرین هیز دەریایی ئەمریکا، رێمی ئادێلیکێ باسی کریایە کە چوین تاوانبارەیل کەسەیل لات و بی ئومید لە کارە رخبەرەیل وەدەسهاوردن پویل کەنە قوربانی.
بلانکا ژنیگ مەکسیکییە و وە ئومید ناسین "دووسە مەجازی" نووەگەی وە شیوەی ئۆنلاین، 3000 میل بان گردیەسەوەر تا پیرۆ.
بەڵام ئەو ژنە تەمەن 51 ساڵە کە کەفتیەسە شوین ڕۆمانسیەت، دویای رەسینی ئەرا وڵاتەگە دیاری نەما، و دی کەسیگ چەوی لەلی نەکەفت، تا چەن هەفتەیگ دویای دیارنەمانی لە کەنار هواچۆ لە وڵات پیرۆ بەشیگ لە لەشی دەرکەفت.
رێمی باس لەوە کردیە کە چوین تاوانبارەیل سەر و باڵ و قولەیلی وڵ بولدۆزەر بردنە، هەرلیوا لەشی کە فرەی ئەندامەیل ناوزگی وە نەشتەرگەری دراوردنە.
وتیش "ئەو پیاوە لە بازاڕ سیا ئەندامەیل لەشی فرووشێد" دەسگیر کریایە، بەڵام یە وەو مانا نییە کە چشتیگ هاوشیوە دووارەو نیەوود.
رێمی هەمیش وت: دووسە فێڵبازەگەی بلانکا کە تەمەنی ٣٧ ساڵە، خوان پابلۆ ڤیلافۆرتێ، ڤیدیۆی خوەی لە تیک تۆک بڵاو کردیە کە لەشی بڕێد، لەو وەختەو وە توومەت کوشتن سزای ٣٥ ساڵ زیندانی لەبانی چەسپیا”.
رێمی هوشداری دا: "ئی جویرە تاوانەیلە رووژانە روی دەن، جاروباریش بازرگانەیل لەش ئایەم زوور خەنە بان پەنابەرەیل تا ریکارەیل خوەیان ئەنجام بیەن و پویل ئەرا گەشتەیلیان گردەو بکەن، جاروباریش خەڵک وەبی ئاگاداری لەلایەن گردەوکەرەیل کیشیانە کە پەیمان کار یا پویل بیەن".
لە درویژەی قسەیلی وتیش "ئەو کەسەیلە لە لویتکەی کویەیل بازرگانی ئەندامەیل لەش فرە زیرەکن و سەرچەوەی خاسیگ دیرن، وتیش؛ تیمەیل تەواویگ هەن کە سوتەمەنی ئی پیشە دەن، لەناویان پزیشک و پەرستار هەس".
لە کۆتایی رەسیە ئەو ئەنجامە کە شمارەی کەمیگ لە قوربانیەیل هەس کە دەسنیشان کریەن و فرە فرەیگیش هەس کە هیمان پەیا نەکریانە.
