تاوان دڵتەزنیگ.. ژنیگ میسری تا مردن شکەنجەی کوورپەگەی دەێد
شەفەق نیوز/ وڵات میسر، تاوان دڵتەزنیگ وەخوەی دی، ک کوورپەیگ سێ مانگان لەلی بویە قوربانی، باوگەگە تووماتبار ژنەگەی وە کوشتنی و شکەنجەدانی تا مردن کرد.
رووژنامەی (ئەلوەتەن) میسری ووردەکاریەیل ئەو تاوان ناشرینە بڵاو کرد، ک وت: پیاویگ لەتەمەن ٣٨ ساڵان رەسیە بنکەی پۆلیس ( بولاق دەکرور) لە پارێزگای جیزە، و کوورپەی مردگی وەباووش هەڵگردگە.
و دەرکەفت ک کوورپەگە کەفگەسە وەر شەکنجە، تا هێزیگ ئەمنی رەسیە ماڵ توومەتبارەگە و دەسگیری کرد.
لە باوەتەگە دەرکەفت ک توومەتبارەگە ژن دوویەم پیاوەگەس، و هالە تەمەن ٢٦ ساڵان، و سێ مناڵ لە پیاویگ تر دیرێد، و لەماوەی نزیکیگ شوی کردگەسە ئی پیاوە، و ئی مناڵە لەلی هاوردگە.
ژنە توومەتبارەگە ئاشکرا کرد ک لە خوسەی شویەگەی کوورپەگە خنکانگە، چوینکە دەس لەلی وەشانیاد، و ناچاری کردگە واژوو لەبان کومپیالە بکەێد، تا پویل خەرج ئەو سێ مناڵەگەی لە شویە یەکەمینەگەی بسینێد.
