وڵات میسر.. گەنجیگ دەزویرانەگەی لەناوڕاس جادە کوشێد
2022-10-17T12:57:48+00:00
شەفەق نیوز/ میدیایل راگەیانن میسری، ئمڕوو دووشەممە، خەوەردان ک گەنجیگ چنگ ناسە قوڕگ دەزویران خوەی لەناوڕاس جادەگە لە ناوچەی عەرەب لە پارێزگای بۆرسەعید و کوشتیەسەی.
میدیایل وتنیش: دەزگا ئەمنیەیل میسری ئاگاداری وە تەرم دویەتیگ وەناو خلود ئەلسەید وەپیان رەسێد ک رەسیەسە خەسەخانەی نەسر، وەگەرد گومان تاوانییگ لە کوشیانی.
وتیش: تیمیگ ئەمنی رەسیە شوین رویداوەگە، و دەرکەفت ک گەنجیگ لەناو کارخانەیگ کار کەێد، چەنگ نایەسە قوڕگ دەزویران ٢٠ ساڵانی لەناو جادەی مەشرق وتاسانیەسەی.
وتنیش: خەڵکەگە توەنستن تووماتبارەگە بگرن و بیەنەی دەس پۆلیس، و تەرم دویەتەگە بریا پزشک دادوەری، و لێکۆڵینەوە لە رویداوەگە واز کریا.
لەلای خوەییش، پۆلیس لێکۆڵینەوە کەێد تا بزانێد چە هیشتیە ئی گەنجە دەزویران خوەی وەرجە سویرەگەی بکوشێد.
