کابرایگ مەکسیکی ژنەگەی کوشێد و مەغزی خوەێد تا شەیتان رازی بکەێد
میدیایل ناوخوەیی بەشیگ لەو تاوانەیل قیزەونە بڵاوکردنە، کە وەناوبانگ بوی و بویە قسە وباس گشتی، و دیاری کرد کە بکوشەگە، وەناو ئەلڤارۆ (٣٢ ساڵ)، لە ٢٩ی حوزەیران لە شوین نیشتەجیبوینیان لە مەکسیک، ژنەگەی خوەی وەناو ماریا مونتێیل لەتەمەن ٣٨ ساڵان کوشتیە.
میدیایل ناوخوەیی ناو بکوشەگە وە " گووشت ئایم خوەر لە پویبلا" بردن، و وتن "چەکووش و چەقو" ئەرا کوشتن و پارچەپارچەکردن لاشەی ژنەگەی وەکار هاوردەیە، وتنیش؛ ئەو کەسە وەزوان خوەی ئاشکرای تاوانەیلی کردیە.
وتنیش؛ دویای دوو رووژ لە ئەنجامدان تاوانەگە، تەلەفۆن ئەرا یەکیگ لە دویەتەیل ژنەگەی لە شوی وەرینی کردیە، و ئەرای ئاشکرای کردەوەگەی کردیە، و لە ماوەی کەمتر لە یەک ساعەت پولیس دەسگیری کرد.
سایت newsbeezer بڵاو کرد ک ئەو گەنجە کە ژنەگەی کوشتیە، "ماددەیگ قەیەغەکریای وەکارهاوردیە ئەرا جیوەجیکردن تاوانەگە"، وتیش: پولیس لە ماڵیگ دەسگیری کردیە کە وەگەرد هاوبەشەگەی لەناوی نیشتنە.
وتیش؛ بکوشەگە، مەوقەی پرسیارکردنی، وە پولیس وتیە "خانم مەرگ پیرووز و شەیتان وەپی وتنە تاوانەگە ئەنجام بیە".
