ئەرا دۊیەم جارە باخچەی ئاژەڵیگ لە فەرەنسا بەسیەێد.. ئیجا لەوەر دەرچگن گورگ

شەفەق نیوز/ دەسەڵاتەیل فەرەنسا، بڕیار بەسیان  باخچەی ئاژەڵیگ دان، ئەوەیش دۊیای دەرچگن ٩ گورگ لە مەوقەی سەردان مەردم ئەرا باخچەگە.          

فابیان شولێە وەرپرس خۆجێی ئەرا ئاژانس خەوەری فەرەنسا وت: کەسیگ لەو رووداوە باخچەی ئاژەڵ"تروا فالي" لە مۆنریدون لابیسونی لەناوچەی تارن نەکفتە وەر ئەزیەت، باوجی ٤ گورگ وە گولەی پاسەوانەیل باخچەگە توپیان و ٥ لەلیان بیهووش کریا.       

شولێە وتیش: لەو مەوقە مەردم فرەیگ لەناو باخچەگە نەۊی، و ئامادەبۊیەیل نەکفتنە وەر پەلامار گورگەیلە، وتیش: ئەو کارە هیشت بڕیار بەسیان باخچەگە دەرچوود تا ئەوەنە کارەیلیان خاسەو کەن.    

وەرجەیە،  لە تەشرین یەکەم ٢٠٢٠ هەمیش ئی باخچە کەفتە وەر بەسیان، لەوەر ریکارەیلیگ ئەمنی، و وەی دۊیاییە دادگا بڕیار وازکردنی دا.