تەندروسی جەهانی لە هەر ۱۰ کەس لە جەهان ۹ کەس وای پیس هەڵمژێد

شەفەق نیوز/ ماریا نێرا، خانمە دکتۆر و وەڕێەوەبەر بەش ژینگە و کەشوهەوا و تەندروسی لە رێکخریاگ تەندروستیی جەهانی لە بەرنامەیگ ک پێگەی فەرمی ریکخریاگە پەخشی کەێد دووپاتکردیە: "ساڵانە زیاتر لە 7 ملیۆن   گیان لە دەسدان نواوەختە  لەوەر دووچاربۊن وە پیسبۊن وا لە سەرتاسەر جەهان  توومار کریەێد".  

ماریا، ئاشکەرا کرد: "لە مابەێن هەر 10 کەس لە جەهان 9 کەس لەلیان وای پیس هەڵمژن و ریکخریاگ تەندروسی جەهانی ئۊشێد ک یە وەگورەی رێنماییەیل جۊر وا ئەرا هەڵمژین نەیگونجیەێد". 

ئەو پسپۆڕە دیاری کردیە: "پیسبۊن وا بوودە هووکار زیادبۊن  تۊشبۊن وە پەتای کۆڕۆنا، لەهەمان وەختیش زیادبۊن مەترسییەیل تۊشبۊن وە بیماری درۊژەکیش جۊر بیماریەیل دڵ و سۊیە و سیستەم خوەراک و شەکرە".