پیسایی و نەفت و وەجیماگەی پزیشکی رشێدە ناو ئاوەیل نووشين

پیسایی و نەفت و وەجیماگەی پزیشکی رشێدە ناو ئاوەیل نووشين
2023-03-22T09:31:13+00:00
شەفەق نیوز/ ساڵانیگ فرەس عراقیەیل ئاو پیسبوی وە پیسایی و نەفت و ئاوەڕۆ نووشن، گشت حکومەتەیلە نەتوەنستنە چارەسەریگ ئەرا گیچەڵ پیسبوین ئاو پەیابکەن، ک بویەسە هووکار سەرچەوەی سەرەکی بیماری ئەرا شمارەیگ فرە لە عراقیەيل، سەڕەرای ئەو بوودجە داراییە گەپە ک لە ماوەی دوو دەیەیی گوزەشتە وەلایەن پەرلەمان عراقەو پەسەنکریاگە.

وەپای راپۆرتیگ عراقی ئەرا ماف مرۆڤ ک ەسیەس وە ئاژانس شەفەق نیوز، ساڵانە رێژی پیسبوین ئاو لە عراق بەرزەوبوود وەگەرد زیایبوین شمارەی دانشتگەیل، داوەزین خزمەتگوزاری ئاو و تووڕەیل پاکەوکردن، و زیایبوین وەجیماگەیل نەفت و پزیشکی ک وەردەوام فڕەدریەێدە ناو چەمەیل.

لەو بارە روانگەی ماف مرۆڤ رەسیە ئەو ئەنجامە ک ئاو عراق فرە پیس بویە هەمیش نەفت و ئاو ئاوەڕۆیەیل وەجیماگەیل پزیشکی گشتی فڕە دریەێدە ناو چەمەیل.

پزیشکیگ عراقی ک لە خەسخانەیگ حکومی کارکەد وە روانگەی عراق ئەرا ماف مرۆڤ راگەیانیە، ئاو چەمەیل دیجلە و فورات گونجیاگ نیە ئەرا نووشین، هەمیش هووکار سەرەکین ئەرا توویشهاتن وە شێرپەنجە وە تایبەت لە پارێزگای بەسرە.

ئەو پزیشکە لەوەر سزای کاگەی نەتواستیە ناو خوەی ئاشکەرا بکەێد، باس لەوە کردیە، شمارەیگ فرە حاێەتەیل تویشهاتن وە شێرپەنجە دیمە، ئەرا دەرکەفتیە ئاو هووکار سەرەکیە ئەرا یە ئاوەگەمان فرە پیسە.

لە ساڵ 2020 کۆمەڵەی پاراستن ژینگە (رێکخریاگ ناحکومی) راگەیان، " شار پزیشکی لە بەغداد ک کۆمەڵگایگ پزیشکییە، کەفێدە کەنار دیجلە لە ناوەڕاس بەغدا، رووژانە وەجیماگەی زیاتر لە هەزار بیمار دزە کەێدە ناو چەمەگە.

روانگەی عراقی ئەرا ماف مرۆڤ داوا لە لایەنەیل پەیوەندیدار کردیە وە دەمچگن زیاتر نیشان بیەن، فرەترین تەقەڵا بیەن ئەرا چارەسەرکردن پیس بوین ئاو لە عراق، داوا لەلیان کرد گوشبگرن لە پسپۆرەیل ئی مژارە ری و شوین کاریگەرتر بگرن ک گامەیلی وەگەرد ئەو مەترسیە بگونجیەد ک هەرەشە لە گشتی کەێد وە تایبەت نەدارەیل و ئەوانەگ نیەتوەنن دەسیان بڕەسێد وە ئاویگ گونجایگ ئەرا نووشین.

Shafaq Live
Shafaq Live