ئەنجومەن وەزیران وەزارەت ژینگە لە تەندروسی جیا کەێد

شەفەق نیوز/ ئەمینداری گشتی ئەنجومەن وەزیرەیل، ئمڕوو یەکشەممە،  کتاویگ فەرمی بڵاوکردە لایەنە پەیوەندیدارەیل، ئەرا تەواوکردن کارەیل جیاکردن وەزارەت ژینگە لە وەزارەت تەندروسی.    

وەرجەیە، لە مانگ ئاب گوزەشتە،  جینشین وەزیر ژینگە جاسم فەلاحی، راگەیان گلەوخواردن وەزارەت ژینگە جۊر وەزارەتیگ فیدراڵی ئامانجەیل حکومەت ئەرا خاسەوکردن ژینگەی عراق جیوەجی کەێد.  

هەمیش لە ساڵ ٢٠١٥ حەیدەر عەبادی سەرۆک وەزیرەیل وەرین، بڕیار دا وەزارەت زانست و تەکنەلۆژیا وەگەرد وەزارەت خوەنستن باڵا تیکڵا بکەێد، و هەمیش وەزارەت ژینگە وەگەرد وەزارەت تەندروسی،  و وەزارەت شارەوانی وەگەرد وەزارەت ئاوەدانی، و هەمیش وەزارەت گەشتوگوزار و ئاسەورای وەگەرد وەزارەت روشنهۊری تیکڵا بوود.