تەمەنی 13.2 ملیار ساڵە.. پەیاکردن کوینترین کونا سیای گەردوون
ئەنجامەیل کە دویەکە دووشەممە بڵاو کریانە، ئەو چشتەیلە چەسپنن کە تا ئی دویاییە نووڕین بوین لەباوەت بویین کونا سیا گەورەیل لە سەرەتای گەردوون.
وەگورەی خەوەریگ ئاژانس ئەسۆشێتد پرێس، تەلەسکۆپ چوڵایی ئاسمان جەیمس وێب ناسا و روانگەی تیشک ئێکس چاندرا هاوکاری کردنە.
وەگورەی توێژینەوەگە، تەمەن ئی کونا سیا ١٣.٢ ملیار ساڵە، لە وەختیگ تەمەن گەردوون ١٣.٧ ملیار ساڵە.
ئەوەگ لەوەیش سەرسامکەرترە ئەرا زانایل ئەوەسە کە ئی کونا سیا ئەوەنە گەورەس، نزیکەی ١٠ ئەوەنەی کون سیاگەی گەلەئەسارەی ری کەیدارەیل ئیمە گەورەترە.
مەزەنە کریەێد کیشەگەی ها ناوەین 10 تا 100% کیش گشت ئەسارەیل ناو گەلەئەسارەگەی خوەی.
زانایل وتنە: ئی ریژە لە ریژەی کەم کونا سیایل گەلەئەسارەی ری کەیدارەیل ئیمە و گەلەئەسارەیل ترەک نزیک نییە.
پریامڤادا ناتاراجان لە زانکۆی یێڵ کە بەشداری لە توێژینەوەگە کردیە کە لە گۆڤار Nature Astronomy بڵاو کریایە ئویشێۆ: هیمان زویە بویشیمن گەردوون ئەوەنە گەورەس.
