کوشیان ئەندامیگ ئەمنی وە گولە لە هەڵەبجە
2023-07-29T07:34:24+00:00
شەفەق نیوز/ ئەندامیگ ئەمنی وەگولەی کەسەیلیگ نەناسیاگ لە پارێزگای هەڵەبجە لە هەرێم کوردستان کوشیا.
وەگورەی ئەو زانیارییە کە رەسیە ئاژانس شەفەق نیوز: لە ئەنجام رویداویگ تەقەکردن دویەشەو لەوەخت دیریگ، یەکیگ لە ئەندامەیل هیزەیل ئاسایش، دویای زەخمداربوین سەختیگ، گیانی لەدەسدا.
وەگورەی زانیاریەیل، تەرمەگەی ئیرنگە هاناو فەرمانگەی پزشک یاسایی لە سلێمانی، و بڕیارە بیەنەی دەس خاوەنی، و بارنەی ماڵەگەی لە ناحیەی سەید سادق.
هەلەبجە یەکیگ لە ئارامترین پارێزگایل هەرێمە، و وەدەگمەن رویداو تاوانی لەناوی بوود.
