پارێزگار هەڵەبجە: وەناوهاتن و پەلامار بینا حکومەتیەگان و بارەگا حزبیەگان خراوەکاریە
شەفەق نیوز/ ئازاد تەوفیق پارێزگار هەڵەبجە، ئمڕوو یەکشەممە، وت: پەلامارداین ووەناوچگن بینا حکومەتیەگان، وبارەگا حزبیەگان کاریگە خراوەکاری و فرە دویرە لە ئەمانج خۆپیشاندەرەگان.
تەوفیق لە بەیاننامەیگ لەناو کۆبونەوەگەی وەگەرد جیگرەگەی وقایمقام و ژمارەیگ لە وەرپرسەیل پارێزگاگە ئمڕوو وت: ئیجوور خۆپیشاندانیگ ک پارێزگاگە وەخوەی دی، دویرە لە گشت رەفتارە مەدەنیەگان، و دووپاتکرد ک پارێزگاگە گشت ریکارە یاساییەگان بەێد ئەرا رووداوەگان دویەشەو، و پێشێلکاری دژوە حکومەت وفەرمانگە ودامەزراوەگانی نێکەفێدە چوارچیوەی خۆپیشاندان ، و هەمیش لەداواکاری خەڵکەگە نیە.
پارێزگار هەمیش داوا لە خۆپیشاندەرەگان کرد ناڕەزایەتییان وەشیوەیگ مەدەنی و شارستانی بکەن ودویر لە ئامانجە تایبەتەگان و خراوەکاری، ودووپاتکرد ک دابین کردن شایستە داراییەگان ماف سروشتیە ئەرا هاووڵاتیەیل و بایەسە حکومەت دابینی بکەێد.
