وەزیر پەروەردەی هەرێم: کەمەوبوین کاریگەری پەتاگە لەبان خوەنەواری
2021-05-22T10:47:53+00:00
شەفەق نیوز/ ئالان حەمە سەعید وەزیر پەروەردە لە هەرێم کوردستان، ئمڕوو شەممە، راگەیان کاریگەری ڤایڕۆس کۆڕۆنا لەبان خوەنەواری وەگورەی دوو ساڵ گوزەیشتە کەمەو بوی.
وەزیرەگە لە کۆنگرەیگ رۆژنامەوانی لە مەوقەی وازکردن مەکتەویگ لەلایەن رێکخراو «رەوانگە» لە شار مێرگەسۆر لە هەولێر وت: خوەنەواری لە گشت جهان لە ساڵەیل ٢٠١٩ و ٢٠٢٠ زیان لە نائارامی لەوەر بڵاوبوین پەتای کۆڕونا وەخوەی دی، و کاریگەری پەتاگە لەبان خوەنەواری وەگورەی ئامارەیل یونسکۆ وەی دویاییە کەمەو بوی، و هەمیش کەمەوبوین بەسانن مەکتەوەیل.
وتیش: وەگەرد رەسین واکسینەگە، ئومید خوازیمن ساڵ خوەنەواری ئایندەی ٢٠٢١ - ٢٠٢٠ ئارامتر بوود، و فرە لە مامووستا و خوەنەوارەیل واکسین دژوە پەتاگە وەرگردن.
