هەرێم کوردستان ٦٥١ تووشهاتن کۆڕۆنا و ٨٦٩ خاسەوبوین تۆمار کەێد

شەفەق نیوز/ وەزارت تەندروسی لە هەرێم کوردستان، ئمڕوو سێشەممە، راگەیان تۆمارکردن ٦٥١ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە، تا گشت ژمارەی تووشهاتنەکان بڕەسێدە ١٦٦٧٠٢.

تووشهاتنە نووەکان وەیجوورە بەشەوە بوین: ٨٤ هەولێر، ٢٥٣ سلێمانی، ٢١٤ دهۆک، ١٢ هەڵەبجە،ە٨٩ گەرمیان.

هەمیش ٨٦٠ بیمار لە پەتاگە خاسەو بوین وەیجوورە: ٢٦٨ هەولێر، ٢١٤ سلێمانی،ڵ٣٠٥ دهۆک، ١٨ هەڵەبجە، ٥٣ گەرمیان، ٢ راپەڕین، تا گشت ژمارەی خاسەوبویەکان بڕەسێدە ١٥١٥٠١.

و هەمیش ٩ بیمار لە ماوەی ٢٤ ساعەت گوزەیشتە مردن، وەیجوورە: ٤ دهۆک، ١ گەرمیان، تا گشت ژمارەی مردنەیل ڤایڕۆس کۆڕۆنا لە هەرێم کوردستان بوودە ٤٢٣٨.